ახალი ამბები • 1722018189
საქართველოს ჟურნალისტური ეთიკის ქარტიის აღმასრულებელი დირექტორი ლია ჩახუნაშვილი გახდა
![ლია ჩახუნაშვილი ლია ჩახუნაშვილი](https://tv25.ge/uploads/files/2023/12/01/7752/lia-chakhunashvili_w_h.jpeg)
საქართველოს ჟურნალისტური ეთიკის ქარტიის აღმასრულებელი დირექტორი ლია ჩახუნაშვილი გახდა. მან ამ პოზიციაზე მარიამ გოგოსაშვილი ჩაანაცვლა, რომელიც ჟურნალისტური ეთიკის ქარტიას 2020 წლის მარტიდან ხელმძღვანელობდა.
ქარტიის ინფორმაციით, გამოცხადებულ კონკურსში მონაწილეობის სურვილი 7-მა ადამიანმა გამოხატა. ნაწილის განცხადებები არასრული იყო. საბოლოოდ, საბჭო ორ კანდიდატს გაესაუბრა – ნოდარ სირბილაძეს და ლია ჩახუნაშვილს. ქარტიაში აცხადებენ, რომ საბჭოს 9 წევრმა მხარი დაუჭირა ლია ჩახუნაშვილს.
ქარტიაში აღნიშნავენ, რომ ლია ჩახუნაშვილმა 15 წლის განმავლობაში იმუშავა საქართველოში USAID-ის მიერ მხარდაჭერილ მედიის განვითარების ხელშემწყობ პროგრამებზე- რომელთაც IREX ახორციელებდა- პროგრამის ხელმძღვანელის და ხელმძღვანელის მოადგილის პოზიციებზე.
სხვადასხვა დროს წვლილი შეიტანა ამავე სფეროში სხვა საერთაშორისო ორგანიზაციების (BBC World Service Trust, MDLF, IREX Europe) საქმიანობაში, როგორც პროგრამის დირექტორმა, კონსულტანტმა და მრჩეველმა.
2007-2009 წლებში იყო კავკასიის მედიასკოლის დეკანი კავკასიის უნივერსიტეტში, ხოლო 2010-2011 წლებში, საზოგადოებრივი მაუწყებლის სამეურვეო საბჭოს წევრი.
ლია ჩახუნაშვილმა ჟურნალისტური განათლება თბილისის სახელმწიფო უნივერსიტეტში მიიღო. მას ასევე აქვს მეცნიერებათა მაგისტრის ხარისხი მასობრივ კომუნიკაციებში სან ხოსეს სახელმწიფო უნივერსიტეტიდან (აშშ).
![ლაშქრობა ლაშქრობა](https://tv25.ge/uploads/files/2024/07/25/9697/lashqroba_b_t.jpeg)
1721929785
![პოლიციის ლენტი პოლიციის ლენტი](https://tv25.ge/uploads/files/2023/09/21/7150/politsiis-lenti_b_t.jpeg)
1721376743