სოციალურად დაუცველი ოჯახებისთვის ელექტროენერგიის სუბსიდირება გრძელდება

სოციალურად დაუცველი ოჯახებისთვის ელექტროენერგიის სუბსიდირება გრძელდება. მთავრობის გადაწყვეტილებით, მონაცემთა ერთიან ბაზაში რეგისტრირებულთაგან, მათ, ვისაც 70 ათასი ან ნაკლები სარეიტინგო ქულა აქვთ, მოხმარებულ ელექტროენერგიას, 1 კვტსთ-ზე 12 თეთრამდე დაუსუბსიდირებენ. 70 ათასიდან 150 ათასამდე სარეიტინგო ქულის მქონე ოჯახებს კი, მოხმარებულ კომუნალურ სერვისს 1 კვტსთ-ზე 3 ლარითა და 50 თეთრით დაუფინანსებენ.

შეგახსენებთ, სოცდაუცველთათვის ელექტროენერგიის გადასახადის სუბსიდირება 2015 წელს დაიწყო. ამ მიზნით, მიმდინარე წლის ბიუჯეტიდან 12 მილიონამდეა გამოყოფილი.