იაპონიის ყოფილი პრემიერი, რომელსაც ცეცხლსასროლი იარაღიდან ესროლეს, გარდაიცვალა

იაპონიის ეროვნული მაუწყებლის ინფორმაციით, ქვეყნის ყოფილი პრემიერმინისტრი სინძო აბე, რომელსაც დღეს, ცეცხლსასროლი იარაღიდან ესროლეს, გარდაიცვალა.

სინძო აბეს თავს დღეს დაესხნენ. ქალაქ ნარაში ღონისძიებაზე სიტყვით გამოსვლის დროს, უცნობმა კაცმა მას ორჯერ ესროლა.

ადგილობრივი მედიის ინფორმაციით, 41 წლის თავდამსხმელი პოლიციამ ადგილზე დააკავა. როგორც მედია წერს, მას ადგილიდან გაქცევა არ უცდია. უცნობია მომხდარის მოტივი.

სინძო აბე იაპონიის პრემიერმინისტრის თანამდებობას ყველაზე ხანგრძლივი დროის განმავლობაში იკავებდა. მან პრემიერმინისტრის პოსტი 2020 წელს, ჯანმრთელობის მდგომარეობის გამო დატოვა.