პოლონეთში, დააკავეს ქართველები, რომლებიც ბინებს სისტემატურად ძარცვავდნენ

პოლონეთში, დააკავეს ქართველები, რომლებიც ბინებს ქურდავდნენ. შემთხვევა ვროცლავში მოხდა. ადგილობრივი მედიის ინფორმაციით, საქართველოს მოქალაქეები საცხოვრებლებს სისტემურად ძარცვავდნენ. 

დაკავებულთა მანქანიდან პოლიციამ 200 000 დოლარი, ძვირფასეულობა და იარაღები ამოიღო.

"ლუბლინის კრიმინალური გამოძიების დასკვნები აჩვენებს, რომ დამნაშავეები ხშირად ყვავილების გამყიდველებად ან მშენებლებად წარმოაჩენდნენ თავს, სახლებში შესვლის მიზნით. ისინი ხშირად იცვლიდნენ იმიჯსაც. ერთ-ერთ დაკავებულს ინტერპოლი სხვა დანაშაულისთვის ეძებდა", - წერს გამოცემა.

ქართველები სასამართლოს გადაწყვეტილებით დროებით დაკავების იზოლატორში არიან. დანაშაული 10 წლამდე ვადით თავისუფლების აღკვეთას ითვალისწინებს.