როდემდე შეუძლია სკოლადამთავრებულს ატესტატის მიღება უფასოდ? - ინფორმაცია

მიმდინარე წლის 20 ივნისიდან სრული ზოგადი განათლების დამადასტურებელი დოკუმენტის საყოველთაო გაცემა დაიწყო. ატესტატის მიღების მიზნით, მსურველებმა სახელმწიფო სერვისების განვითარების სააგენტოს ნებისმიერ ტერიტორიულ სამსახურს, საზოგადოებრივ ცენტრს ან იუსტიციის სახლს უნდა მიმართონ.

სკოლადამთავრებულები დოკუმენტს განაცხადის წარდგენიდან მე-10 სამუშაო დღეს, უფასოდ მიიღებენ. საფასურის გადახდის გარეშე ატესტატის მიღება მიმდინარე წლის 31 დეკემბრის ჩათვლითაა შესაძლებელი.

ატესტატის დაჩქარებული წესით მიღების სურვილის შემთხვევაში პირმა საფასური უნდა გადაიხადოს.