სკოლებში ზამთრის არდადეგები 30 დეკემბრიდან დაიწყება

სკოლებში ზამთრის არდადეგები 30 დეკემბრიდან დაიწყება. საქართველოს განათლებისა და მეცნიერების სამინისტროს ინფორმაციით, სასწავლო პროცესი 17 იანვარს განახლდება.

სკოლებში სწავლის დაწყების და სეზონური არდადეგების განრიგი მინისტრის სპეციალური ბრძანებით არის დადგენილი, რომლის შესაბამისად, ზამთრის არდადეგები 30 დეკემბრიდან 15 იანვრამდე გრძელდება.

ვინაიდან წელს 15-16 იანვარი შაბათი და კვირაა, სკოლებში სწავლა 17 იანვარს,  გაგრძელდება. რაც შეეხება კერძო სკოლებს, არდადეგების საკითხს ინდივიდუალურად წყვეტენ.