მაღალმთიანეთში დიდთოვლობაა - საგანგებო სიტუაციების მართვის შტაბმა სხდომა გამართა

ხულოსა და შუახევში მუნიციპალური სამსახურებისა და გზების დეპარტამენტის მონაწილეობით, საგანგებო სიტუაციების მართვის შტაბის სხდომა გაიმართა. მოსალოდნელ დიდთოვლობასთან დაკავშირებით მობილიზებულია ადამიანური რესურსი და საავტომობილო გზების ტექნიკა, შექმნილია საგანგებო სიტუაციების მართვის შტაბი, მოქმედებს ცხელი ხაზი. შეხვედრაზე მიმდინარე სამობილიზაციო სამუშაოები განიხილეს. აჭარის მთავრობის ინფორმაციით, ამ ეტაპზე ცენტრალური, ასევე თემებთან და სოფლებთან მისასვლელი გზები გახსნილია.