დღეს, ექსპრეზიდენტის სასამართლო პროცესი გაიმართება, რომელსაც მიხეილ სააკაშვილიც დაესწრება

დღეს, საქართველოს სახელმწიფო საზღვრის უკანონო კვეთის საქმეზე ბრალდებული მიხეილ სააკაშვილის საქმის არსებითი სხდომა გაიმართება.

პროცესი თბილისის საქალაქო სასამართლოში 13:00 საათზეა დანიშნული.

სხდომას დაესწრება თავად ბრალდებული მიხეილ სააკაშვილიც.

შეგახსენებთ, რომ მიხეილ სააკაშვილის მიერ საზღვრის უკანონო კვეთის ფაქტთან დაკავშირებით გამოძიება პირველ ოქტომბერს დაიწყო. აღნიშნული საქმის ფარგლებში ბრალდება კიდევ 4 პირს - ელგუჯა ცომაიას, ზურაბ და შალვა წოწორიებსა და გიორგი ნარიმანიძეს აქვთ წაყენებული და ის ცალკე წარმოებად მიმდინარეობს.

აღნიშნული პირები ბრალს აღიარებენ.