რა საკითხები დამტკიცდა დღეს აჭარის უმაღლეს საბჭოში ბიუროს სხდომაზე

აჭარის მთავრობის თავმდჯომარე 14 ივნისს, საქმიანობის ანგარიშით აჭარის უმაღლეს საბჭოს წინაშე წარსდგება. ამის შესახებ გადაწყვეტილება რეგიონის საკანონდებლო ორგანოში, დღეს  მიიღეს. შეიცვალა მინისტრის საათის თარიღიც. აჭარის ჯანდაცვის მინისტრს, ხვალ რიგგარეშე სხდომაზე მოუსმენენ. ბიუროს სხდომაზე ასევე დღის წესრიგით გათვალისწინებული 8 საკითხი განიხილეს, მათ შორის იყო უმაღლესი საბჭოს 2025 წლის ბიუჯეტის პროექტის დამტკიცება, 2023 წლის რესპუბლიკური ბიუჯეტის  შესრულების  ანგარიში და  2024 წლის ბიუჯეტის პირველი კვარტლის  შესრულების ანგარიში.  2025  წლის უმაღლესი საბჭოს ბიუჯეტი 8 მილიონ 87 ათას 154 ლარით განისაზღვრა.