თორნიკე რიჟვაძემ არაბთა გაერთიანებული საამიროების ელჩთან გაცნობითი ხასიათის შეხვედრა გამართა

აჭარის მთავრობის თავმჯდომარე არაბთა გაერთიანებული საამიროების ელჩს შეხვდა. თორნიკე რიჟვაძემ დიპლომატს ახალ პოზიციაზე დანიშვნა მიულოცა და წარმატებები უსურვა.

მხარეებმა ორ ქვეყანას შორის სხვადასხვა სფეროში არსებული ურთიერთობების განვითარებაზე ისაუბრეს.

აღინიშნა ტურიზმის სფეროში თანამშრომლობის კუთხით არსებული პოტენციალი და ხაზი გაესვა არაბთა გაერთიანებული საამიროებიდან საქართველოში ვიზიტორთა რაოდენობის ზრდის დადებით დინამიკას.

ინფორმაცია ვიდეო მასალასთან ერთად აჭარის მთავრობის ადმინისტრაციამ მოგვაწოდა.