როგორ აფასებს პოლიტოლოგი კობახიძის ბუდაპეშტში ვიზიტს

კობახიძის ევროპელი დიპლომატებისგან იზოლირებას აფასებს პოლიტოლოგიც. კობა ჯუმუშაძე აცხადებს, რომ დასავლეთთან დაპირისპირება გუშინ არ დაწყებულა და ევროპულ სტრუქტურებთან მტრული დამოკიდებულება ხელისუფლებას უკვე წელიწადნახევარზე მეტია ახასიათებს. სპეციალისტის შეფასებით, ამის დასტური ის კანონებია, რომელსაც ბოლო წლებია ოცნება იღებს. ევროკავშირი აძლევს საქართველოს შანსებს, თუმცა ჩვენი ქვეყნის ხელისუფლება ამას ვერ იყენებს, ამბობს ჯუმუშაძე. პოლიტოლოგი ეხება ზელენსკისთან დისტანცირების საკითხს. მიაჩნია, რომ კობახიძეს ამის შესახებ დირექტივა აქვს მიღებული.