მექსიკაში, ტრაილერი ამოყირავდა, რის გამოც 53 ადამიანი დაიღუპა

მექსიკის შტატ ჩიაპასში ტრაილერი ამოყირავდა, რის შედეგადაც 53 ადამიანი, უმეტესობა მიგრანტი, დაიღუპა და 58 - დაშავდა, - ინფორმაციას Reuters-ი ავრცელებს.

სააგენტოს ინფორმაციით, დაღუპულებსა და დაშავებულებს შორის ქალები და ბავშვებიც არიან.

ავტოსაგზაო შემთხვევა ქალაქ ტუსტლა-გუტიერესთან, ერთ-ერთ სახიფათო შესახვევში მოხდა.

მიგრანტები, რომლებიც ცენტრალური ამერიკიდან სიღარიბესა და ძალადობას გაურბიან, როგორც წესი, მექსიკის საშუალებით ცდილობენ აშშ-ის საზღვრამდე მიაღწიონ. ხშირად მათ სატვირთო ავტომობილებით, ძალიან სახიფათო პირობებში უწევთ მგზავრობა.