ეროვნულ ბანკს შეეძლება შაბათი ან/და კვირა დღე ბანკებისთვის სამუშაო დღედ გამოაცხადოს

ეროვნულ ბანკს შეეძლება შაბათი ან/და კვირა დღე სამუშაო დღედ გამოაცხადოს. ამის შესახებ ახალ კანონპროექტში ვკითხულობთ.

საუბარია „საქართველოს ეროვნული ბანკის შესახებ“ საქართველოს ორგანულ კანონში ცვლილების შეტანის თაობაზე მომზადებულ კანონპროექტზე, რომლის ავტორიც საფინანსო-საბიუჯეტო კომიტეტის თავმჯდომარე პაატა კვიჟინაძე და კიდევ 11 დეპუტატია.

„ორგანული კანონის 49-ე მუხლში განსახორციელებელი ცვლილებებით, ზუსტდება რომ შაბათი ან/და კვირა დღე შეიძლება გამოცხადდეს საბანკო დღედ“, - აღნიშნულია კანონპროექტის განმარტებით ბარათში.