ელგუჯა ანდრიაძის "აუხდენელი ოცნება"

გზა მუზეუმის დირექტორობიდან ბათუმის საკრებულომდე -  ელგუჯა ანდრიაძის „აუხდენელი ოცნება“. „ძმები ნობელების სახელობის მუზეუმის“ ხელმძღვანელი, 2021 წლის თვითმმართველობის არჩევნებში „ქართული ოცნების“ სახელით, მონაწილეობდა.

ანდრიაძემ მანდატის მისაღებად საჭირო ხმები ვერ დააგროვა და წარმომადგენლობითი ორგანოს გარეთ დარჩა. სწორედ, ამიტომ, 2 თვის შემდეგ, მან მუზეუმის დირექტორობაზე განაცხადი ისევ შეიტანა და ძველ თანამდებობას დაუბრუნდა.

კითხვაზე, რატომ დატოვა პოსტი თავის დროზე? ანდრიაძე გვპასუხობს, რომ ბათუმის საკრებულოში ჯანდაცვის კომიტეტის თავმჯდომარეობა სურდა, რომლის პარალელურადაც მუზეუმის ხელმძღვანელი ვერ იქნებოდა.